European Peace Project

Huuj, op 9 mei 2025 – precies 80 joar noa ‘t ind va d’r Twieëde Weltkreeg in Europa, deë aa 60 miljoeën luuj ‘t leëve kosde, woeë-onger 27 miljoen Sovjetburgers – verheffe vier, de burgers va Europa, os sjtum! Vier sjame os vuur os regeringe en vuur de EU, die nieks gelierd hant oet d’r 20e ieuw. De EU, oeëts bedach es ee vredesproject, is gecorrumpeerd en hat zoeë de essentie va Europa verroaje! Doavuur pakke vier, de burgers va Europa, huuj, op 9 mei, os lot en os gesjiedenis i ege heng. Vier verkloare de EU tot misjlukking. Vier vange aa mit burgerdiplomatie en weigere mit te doeë aa d’r geplande kreeg teëge Rusland! Vier erkinne de medeverantwoordelijkheid va ‘t “Westen”, de Europese regeringe en de EU i dit conflict.

Vier, de burgers va Europa, same mit ‘t European Peace Project, verzette os teëge de sjaamteloze hypocrisie en luueges die huuj – op d’r Dag va Europa – op officiële ceremonies en op publieke zenders weëde versjpreid. Vier sjteëke de hank oet noa de burgers va Oekraïne en Rusland. Ier makt deel oet va de Europese familie en vier zint d’rva uuevertuugd dat vier same ing vreedzame co-existentie op os Euraziatisch continent kinne organisere.Vier hant de bilde va de militaire begraafplaatsje op os netvlees – va Volgograd bis Riga bis Lotharingen bis Simmerath bis Amersfoort. Vier zient de frissje grave die zunt hingergeloate i dizze zinloze kreeg i Oekraïne en Rusland. Terwiel de mitste EU-regeringe en de verantwoordelike luuj vuur dizze kreeg op de trommel houwe en ontkinne wat kreeg vuur de bevolking betekent, hant vier, de burgers, wáál lesse oet d’r vurrige ieuw getrokke: Europa, dat betekent “Noeëts mieë kreeg!”.

Vier herinnere os de Europese prestaties i d’r wederopbouw va d’r vurrige ieuw en de belofte die i 1989 noa de vreedzame revolutie zunt gedoa. Vier roope op tot ing Europees-Russische jeugdorganisatie noa ‘t vuurbild va de Frans-Duitse jeugdorganisatie va 1963, die ee ind makde aa de “generationele vete” tussje Duutsjland en Frankriek. Vier eise de reconstructie va de Nord Stream II pieplien en ee ind aa de sancties. Vier weigere os belastinggeld te versjpille aa bewapening en militarisering ten koste va os gemeensjap en infrastructuur. In ‘t kader va ing OVSE-vredesconferentie roope vier op tot ‘t creëre va inne Europese veiligheidsarchitectuur neet teëge meh mít Rusland, zoeëwie vasgelag in ‘t Handvest va Paries oet 1990. Vier roope op tot ee neutraal Europa dat zich losmak va de VS en ing bemiddelende rol sjpieëlt in ing multipolaire welt. ‘t Europa dat vier wille is postkoloniaal en postimperiaal. Vier, de burgers va Europa, verkloare hiebie dat dizze kreeg vuurbie is! Vier zalle neet mitdoeë aa oorlogshitserij en machtssjpelkes. Vier zalle os mansluuj en zoeëne neet loate verangere i soldoate, os dochters neet i verpleegsters i hospitale en os leng neet i sjlaagvelde. Vier beije aa um drek ing delegatie va Europese burgers noa Kiev en Moskou te sjikke um inne dialoog te beginne. Vier zalle neet langer towkieke wie os towkoms en die va os kinger weëd geofferd op ‘t altaar va d’r machtspolitiek.

 
Leëve Europa, leëve de vrieheed, leëve de vrede