European Peace Project

Hüt, am 9. Mai 2025 – genau 80 Johr nocham End vum 2. Weltkriag, wo 60 Milliona Menscha z Leba koschtet
hät, döt drunter 27 Milliona Sowjetbürger, erhebend miar, d Bürgarinna und d Bürgr vu Europa, üseri Stimma!
Miar schämend üs für üsari Regiariga und für d EU, wo us da Lehrana vum 20. Johrhund(a)rt nüt glernt händ.
D EU, amol als Friedensprojekt denkt, isch pervertiart worda und hät damit dr Wesenskern vu Europa v(e))rrota!
Miar, d Bürgr vu Europa, nähm(a)nd drum hüt, am 9. Mai, üsers Schicksal und üseri Gschicht selber in d Hand.
Miar erklärend d EU für gschittarat. Miar fangend mit Bürger-Diplomatie a und v(e)rweigarand üs am planta
Kriag gega Russland! Miar ärkennand d Mitverantwortig vum Westa, da europäischa Regiariga und dr EU an
däm Konflikt a.
Miar, d Bürgr vu Europa, trätand mit däm European Peace Project dr schamlosa Hüchelei und da Lügana
äntgega, vo hüt – am Europatag – uf offiziella Festäkt und in öffentlicha Sender v(e)rbreitat wird.
Miar streckand da Bürgarinna und Bürgr vur Ukraina und vu Russland d Hand us. Ihar ghörend zur europäischa
Familia, und miar sind übarzügt, dass miar gemeinsam a friedlichs Zämmaläba uf üsaram Kontinent
organisiara könnt.
Miar händ d Bildar vu da Soldatafriedhöf vor Auga – vu Wolgograd über Riga bis Lothringa. Miar gsehnd dia frischa Gräber, wo dä sinnlos Kriag in dr Ukraina und in Russland brocht hät. Währand dia meischta EU-
Regiariga und V(e)rantwortlicha für da Kriag hetzand und v(e)rdrängand, was Kriag für d Bevölkarig bedütat, händ miar d Lektion vum letschta Johrhund(a)rt glärnt: Europa heisst: «Nur Frieda!».
Miar erinnarand üs an dia europäisch Ufbauleischtig vum letschta Johrhund(a)rt und ans V(a)rschprecha vu
1989 noch dr friedlicha Revolution.
Miar fordarand a europäisch-russischs Jugandwärk nocham Vorbild vum tütsch-französischa Jugandwärk vu
1963, wo d «Ärbfindschaft» zwüscha Tütschland und Frankrich beendat hät.
Miar fordarand as Sanktionsendi und dr Wiedarufbau vur Nord-Stream-II-Pipeline.
Miar weigarand üs, üsari Stürgäldar für Rüstig und Militarisiarig z v(a)rschwenda, uf Koschta vu
Sozialschtandards und Infrastruktur.
Im Rahma vunara OSZE-Friedanskonfäränz fordarand miar d Schaffig vunara europäischa
Sicharheitsarchitektur mit und nit gega Russland, wia in dr Charta vu Paris vu 1990 feschtglait.
Miar fordarand a neutrals, vu da USA emanzipiarts Europa, wo a v(e)rmittlandi Rolla innara multipolara Wält
innimmt. Üsars Europa isch poscht-kolonial und poscht-imperial.
Miar, d Bürgr vu Europa, erklärand dä Kriag jetzt für beendat! Miar sind im Frieda mitanand!
Miar bütand a, sofort a Abordnig vu europäischa Bürgarinna und Bürgar uf Kiew und Moskau z senda, um
mitam Dialog azfanga.
Miar gsehnd a friedlichi und wohlwollandi Zuakunft für üs und üsari Kinder do uf däm Kontinent und uf dr ganza
Wält!

Für Graubünda, für d Schwiz, für Europa, für d Wält Frieda und Freiheit!