Europees Vredesproject 2026
Manifest 9. Mai
Huuj, 9 mei 2026 – mieë wie 80 joar noa ‘t eind va d’r Twieëde Weltkreeg in Europa, deë aa 60 miljoeën luuj ‘t leëve kosde, woeë-ónger 27 miljoen Sovjetburgers – verheffe vier, de burgers va Europa, ópnuuj ós sjtum!
Vier sjtelle mit bezörgdheed vas dat de mieëtste Europese regeringe en de EU sinds ózze óproop vurrig joar nog ummer neet d’r weëg van de diplomatie mit Rusland wille isjloa um ee eind te make aan d’r NAVO-proxykreeg in Oekraïne.
Vier zunt gesjokt dat inne kreeg deë militair al lang besjlist is en al aan te vöäl luuj aan allebei de kante van ’t front ’t leëve hat gekos, weëd vuurtgezat in ing waanzinnige poging um Rusland te “ruïnere” of um tied te winne vuuer ’t sjpel um de herverdeling van de welt.
V’r betreure ’t toenummende aantal soldoategrave van dizze zinloze kreeg in Oekraïne, deë Europa versjeurt en herinnere mit luide sjtum:
Europa mot opsjtoa vuuër: noeëts mieë kreeg!
Mit verbijstering hant v’r gezieë dat de EU, die nog ummer zoeë sjtols óp heure rechssjtaat is, serieus uueverwoage hat um Russische vermoges in Europa in besjlaag te numme, wat in sjtried is mit ‘t internationaal recht. V’r zunt gealarmeerd dat de EU inmiddels ooch ónsjuldige burgers, kritische sjrievers en journaliste hun burgerrechte óntnumt, ze óp extralegale sanctielieste plaatsjt, woeëdurch d’r rechtssjtaat en de vrieheed van meningsoeting in Europa óp ing ónacceptabele maneer besjadigd weëd.
Vier sjudde d’r kóp uuever regeringe, parlemente en sinds kót ooch rechbanke, die noe officieel, meh teëge alle bewieze in, d’r aansjlaag op de North Stream-piepleiding toesjrieve aan Oekraïense daders, omdat ginne binne de EU d’r mood hat um de VS aa te wieze als de drievende krach achter dizze terroristische aansjlaag.
Vier zunt geïrriteerd dat ’t ganse EU-ambtenare-apparaat, in samewirking mit de EU-lidsjtate, d’r tot noe toe neet in gesjlaagd is um ing eensgezinde, hoalbare en towkomsgerichte Europese reactie óp te sjtelle óp de nuuj veiligheidssjtrategie van de VS.
D’r mót ee eind kómme aan de óngerdanigheed van de EU en de Europese regeringe ten ópzichte va de VS, die ’t internationaal rech in Venezuela of Iran gebroake hant en Europa besjpotte. De zoeëgenaamde “westerse wereldorde” is gebroake durch d´r ege dubbele moraal. V’r hant ee neutraal Europa nuuedig, dat zich geëmancipeerd hat va de VS, dat heur ege belange ópsjtelt en ing bemiddelende rol sjpieëlt in ing multipolaire welt. Same mit de BRICS-leng mót Europa ’t volkerech en ‘t VN-Handvest versjterke en ing brugk sjloa tussje Oost en West en ‘t globale Zuiden.
Vier, de burgers va Europa, pakke doarum zelf ós lot en ós gesjiedenis in de hand. Same mit ós Portugese vrung hant v’r ing European Citizens Conference for Peace ópgerich.
Vier sjteëke de hand oet noa de burgers va Oekraïne en Rusland. Ier makt deel oet va de Europese familie.
Vier, de burgers va Europa, verkloare hiebie: vier zunt neet in oorlog, neet mit Rusland en neet mit weë dan ooch. V’r dunt neet mit aan de ummer absurder weëdende kreegssjpelkes. V’r make va ós mansluuj ging soldoate, va ós vrouwluuj en dochters ging verpleegsters en va ós leng ging sjlaagvelde.
Vier zalle neet langer towkieke wie ós towkoms en die va ós kinger weëd geofferd óp ‘t altaar va d’r machtspolitiek en wie ’t sjoeëne Europa zichzelf in ing wurggreep hilt!
Leëve Europa, leëve de vrieheed, leëve de vrede
