Europski měrowy projekt 2026
Manifest 9. meje
Dźensa, 9. meje 2026 – wjace hač 80 lět po kóncu Druheje swětoweje wójny w Europje, w kotrejž 60 milionow ludźi žiwjenje přisadźi, mjez nimi 27 milionow sowjetskich wobydlerjow, pozběhnjemy, wobydlerki a wobydlerjo Europy, znowa swój hłós.
Sćěhujemy ze starosću, zo nochce wjetšina europskich knježerstwow a EU po našim lońšim wuwołanju přeco hišće puć diplomatije z Ruskej ke skónčenju wójny zastupjerjow NATO w Ukrainje nastupić.
Smy zatrašeni, zo so wójna, kotraž je wojersce dawno rozsudźena a w kotrejž je hižo přewjele ludźi na woběmaj bokomaj fronty swoje žiwjenje přisadźiło, dale podlěši, w błudnym pospyće, Rusku “ruinować” abo sej čas za wokomikny poker wokoło noworjadowanja swěta wudrěć.
Wobžarujemy so powjetšowace rownišća wojakow tuteje bjezzmysłoweje wójny w Ukrainje, kotraž Europu dźensa pači a dopominamy wótře:
Europa ma rukować za: Ženje wjace wójnu!
Poraženi smy sćěhowali, zo je EU, kotraž so stajnje swojeje prawnostatnosće sławi, chutnje wo mjezynarodne prawo ranjacym sćazanju ruskich zamóženjow w Europje rozwažowała. Smy alarmowani, zo EU mjeztym bjezporočnym wobydlerjam, kritiskim knižnym awtoram a žurnalistam staćanske prawa sćaza, jich na ekstralegalne lisćiny sankcijow sadźi a z tym prawniski stat a swobodu měnjenja w Europje na njeznjesliwe wašnje wobškodźa!
Wijemy z hłowu nad našimi knježerstwami, parlamentami a w nowšim času sudnistwami, kotrež nětko oficialnje, ale přećiwo kóždej ewidency rozbuchnjenje North Stream Pipeline ukrainskim skućićelam přiličeja, dokelž njeje nichtó w zwjazkowym knježerstwje w Němskej abo druhdźe w Europje zmužity dosć, USA jako nitkićaharjow tutoho teroroweho nadpada pomjenować.
Smy iritěrowani, zo cyły aparat zastojnikow EU, w zwisku z čłonskimi statami EU dotal njeje zdokonjał, nowej wěstotnej strategiji USA zjednoćenu, nošnu a do přichoda sahacu europsku wotmołwu napřećo stajić.
Kónc z podwólnosću EU, kaž tež europskich knježerstwow napřećo USA, kotraž mjezynarodne prawo we Venezueli abo Iranje z nohomaj tepta a Europu wusměšuje. Tak mjenowany zapadny swětowy porjad je so na swójskich dwójnych standardach rozłamał. Trjebamy neutralnu, wot USA emancipowanu Europu, kotraž swoje prabytostne zajimy formuluje a posrědkowacu rólu w multipolarnym swěće wukonja. Zhromadnje z BRICS-statami dyrbi Europa prawo ludow a UN-chartu skrućić a móst mjez wuchodom a zapadom tworić!
My, wobydlerjo Europy, wozmjemy tohodla swój wosud a swoje stawizny sami do rukow. Smy z portugalskimi přećelemi Europsku wobydlersku konferencu za měr zrodźili.
Zasadźujemy so za nowu Europsku wěstotnu architekturu z Ruskej. Wupřestrěwamy wobydlerkam a wobydlerjam Ukrainy a Ruskeje ruku. Wy słušeće k europskej swójbje!
My, wobydlerjo Europy, wozjewimy z tym: Njejsmy we wójnje, ani z Ruskej ani z hewak někim! Njewobdźělimy so na přiběrajcy absurdnych wójnskich hrach a smy dźeń a wjace! Nječinimy z našich muži a synow žanych wojakow, z našich dźowkow žane sotry w lacareće a z našich krajow žane bitwišća.
Njebudźemy přihladować, kak so naš přichod a tón našich dźěći na wołtarju mócnarskeje politiki wopruje a rjana Europa so sebje sama stranguluje!
Njech je žiwa Europa, njech je žiwy měr, njech je žiwa swoboda
