Europejski měrowy projekt 2026
manifest 9. maja
Źinsa, 9. maja 2026 – wěcej ako 80 lět pó kóńcu Drugeje swětoweje wójny w Europje, w kótarejž jo 60 milionow luźi pśisajźiło žywjenje, mjazy nimi 27 milionow sowjetskich luźi, pózwignjomy, bergaŕki a bergarje Europy, znowa swój głos.
Starosćiwje wobglědujomy, až njoco wětšyna europskich kněžaŕstwow a EU pó našom łońskem wuwołanju hyšći drogu diplomatije z Rusojskeju ku zakóńcenju zastupnikojskeje wójny NATO z Ukrainu nastupiś.
Smy wóttšašone, až se wójna, kótaraž jo wójaŕski dawno rozsuźona a w kótarejž jo južo pśewjele luźi na wobyma bokoma swójo žywjenje pśisajźiło, dalej pódlejšyjo z wjelgin błudnym wopyom, Rusojsku „ruiněrowaś ” abo se wudrěwaś cas za tuchylne pokerowanje wokoło noworědowanja swěta.
Wobžałujomy pówětšujuce se kjarchoby wójakow toś teje bźezzmyslneje wójny na Ukrainje, kótaraž Europu źinsa pacy a dopominamy głosnje:
Europa musy stojaś za: Žednje wěcej wójna!
Ceło nježywe smy wobglědowali, až jo EU, kótaraž se stawnje sławi swójeje pšawostatnosći, rozwažowała pówažnje wó mjazynarodne pšawo ranjecem konfiscěrowanju rusojskich zamóžeństwow w Europje. Smy alarměrowane, až EU mjaztym bźezpórocnym bergarjam, kritiskim awtoram knigłow a žurnalistam zawoborajo staśańske pšawa, jich na ekstra-legalne lisćiny sankcijow sajźa a z tym pšawniskemu statoju a lichośe měnjenja w Europje na njeznjasliwu wašnju škóźi!
Wijomy z głowu nad našymi kněžaŕstwami, parlamentami a w nowšem casu nad sudnistwami, kótarež něnto oficielnje, ale pśeśiwo kuždej ewidency rozbuchnjenje North Stream Pipeline ukrainskim njestatkarjam pśilicyju, dokulaž njejo nichten w zwězkowem kněžaŕstwje w Nimskej abo hynźi w Europje zmužny dosć, USA ako kšajžnego šturowarja terorowego nadpada pómjeniś.
Smy iritěrowane, až njejo ceły aparat zastojnikow EU w zwisku z cłonkojskimi statami EU až doněnta zamóžny, se nowej wěstotnej strategiji USA znapśeśiwiś z jadnotnym, trajnym a do pśichoda pokazujucym europskim wótegronom.
Kóńc z pódwólenim EU, ako teke europskich kněžaŕstwow pód USA, kótarež mjazynarodne pšawo we Venezueli abo Iranje z nogami teptaju a Europu wusměšuju. Tak pomjenjony pódwjacorny swětowy pórěd jo se rozłamał na swójom dwójakem standarźe. Trjebamy neutralnu, wót USA emancipěrowanu Europu, kótaraž formulěrujo swóje zakładne zajmy a wugbajo pósrědnjajucu rolu w multipolarnem swěśe. Zgromadnje z BRICS-statami musy Europa wukšuśowaś pšawo ludow a UN-chartu a twóriś móst mjazy pódzajtšom a pódwjacorom!
Togodla wzejomy my, bergarje Europy. swój pśisud a swóje stawizny do swojeju rukowu. Smy z portugalskimi pśijaśelami załožyli European Citizens Conference for Peace/Europsku bergaŕsku konferencu za měr.
Zasajźujomy se za nowu Europejsku wěstotnu architekturu z Rusojskeju. Pódawamy bergaŕkam a bergarjam Ukrainy a Rusojskeje ruku. Wy słušaśo do europskeje familije!
My bergarje Europy wózjawjamy how: Njejsmy we wójnje, daniž z Rusojskeju daniž z někim drugim! Njewobźělujomy se na pśiběrajucy absurdnem wójnskem grajkanju a nas bywa źeńk ak źenk a wěcej! Njegótujomy z našych muskich a synow žednych wójakow, z našych źowkow žedne lacaretowe sotšy a z našych krajow žedne bitwišća.
Njebuźomy pśiglědowaś, kak se naš pśichod a ten našych źiśi woprujo na hołtarju mócnaŕskeje politiki a rědna Europa se sama zadušyjo!
Daś jo žywa Europa, daś jo žywy měr, daś jo žywa lichota.
