European Peace Project #2
3. oktobra 2025 17.00 hodź
Manifest k Palestinje
My, wobydlerjo Europy, wot Lissabona přez Den Haag hač do Moskwy a wot Helsinki přez Wien hač do Neapela, hladamy z hrózbu na ludomordarstwo w Gazaskim pasmje. Smy zatrašeni, zo naše wodźace medije dosahajcy wo tym njerozprawjeja a protest přećiwo tomu so w mnohich europskich krajach kriminalizuje. Tola tež, hdyž etablěrowane medije hrózbu w Palestinje lědma wopisuja: w interneće je genocid live widźeć.
Smy zatrašeni wo tym, zo třěleja wótrotřělcy zaměrnje na dźěći, zatrašeni přez wobrazy z přez bomby roztorhanymi dźěćacymi ćěłami, wot palacych ludźi, samo w “jako wěste pasmo” definowanych lěhwach ćěkancow, wot zaměrnych nadpadow na chorownje, šule, pomocne dodawanja a žurnalistow. Gaza je hižo nětko njeskutk 21. lětstotka a njehodźi so přez ničo wusprawnić!
My, wobydlerjo Europy, žadamy sej dźensa, zo so tute ludomordarstwo hnydom skónči! Dopominamy Europu z tym na swoju zamołwitosć, město swojeje bjezskutkownosće, falowace sankcionowanje Israela a přez kontinuowane dodawanje brónjow swój posledni moraliski kapital přěhrać! Wo wjele přepozdźe a přejara łahodny apel wonych něhdźe 20 mj.dr. europskich knježerstwow, kotrež žadaja sej jeničce přiměr, njedosaha nam zdaloka jako přiměrjene knježerstwowe jednanje.
Zwěsćamy z respektom, zo so UN-charta mjeztym wot njeeuropskich statow swětoweho zhromadźenstwa nałožuje, kaž wot Den Haag skupiny, kotraž konkretne kroki jednanja wobzamknje, město toho, zo jenož apely sformuluje, kotrež su bjez sćěhow. Trěbne su mjezynarodne juristiske naprawy a hnydomny kónc podpěry israelskeho knježerstwa we wšěch jeje formach: politisce, diplomatisce, hospodarsce a wojersce!
Přez hłód a infekciske chorosće hrozy ludnosći Gazaskeho pasma při pokročowanju wobsadźenja a zawrjenja kóčiny samo po přiměrje nimale dospołne wutupjenje. Wšitkim nakładnym awtam z pomocnymi srědkami ma so hnydom přejězd přizwolić, pomocnym organizacijam UN dyrbi so jich dźěło wobšěrnje zmóžnić, město toho, zo so wone haći!
My, wobydlerjo Europy, distancujemy so wot EU a tych knježerstwow jeje čłonskich statow, kaž tež wot wšitkich europskich stronow, kotrež sej njezwěrja, hrozne skutki stata Israela pomjenować, ze luteho stracha, zo so jim antisemitizm wobkrući. Mamy runostajenje anticionizma a antisemitizma za intelektualnje njesprawne. Nichtó nima prawo, ze zakitowanja wjećbu sčinić; nichtó nima prawo, so stać ze zabiwańcom, dokelž bě sam wopor!
My, wobydlerjo Europy, wotpokazujemy murje a segregaciju: “Israelske zakitowanske wójska wotpołožće waše brónje, spotorhajće murje a płoty, wotewrće waše chorownje, šule a domy za Palestinjanow, móžeće tón konflikt nětko zakónčić!”
Wotpokazujemy etniske čisćenja, wuhnaće, ludomordarstwo a wójnu, wšojedne hdźe a wšojedne kotra etniskosć, narodnosć abo přisłušnosć wěry je potrjechena. Tute přilubjenje, kiž bu po nazhonjenju namocy holocausta a wobeju swětoweju wójnow w zašłym lětstoku 1945 do charty Zjednoćenych narodow přiwzate, ponowimy, wobydlerki a wobydlerjo Europy, tu a dźensa, w přezjednosći z mnohimi židowskimi hłosami!
Njebudźemy dlěje ruce złožiwši přihladować při wójnskich złóstnistwach, ludomordarstwje, ilegalnym wobsadźenju a nadpadach israelskeho knježerstwa na druhe kraje, kotrež so před našimi wočemi wotměwaja: Israel njesteji nad ludowym prawom a UN-chartu!
My, wobydlerjo Europy, witamy tuž te israelske protesty, kotrež sej kónc wójnskich złóstnistwow a čwělowanišćow swójskeho wójska žadaja. Tući israelscy měrowi aktiwisća warnuja sami před fašizowanjom israelskeje towaršnosće, kotraž so w njeličomnych, zamylacych rasistiskich a fašizmej podobnych wuprajenjach israelskich ministrow zwuraznja, kotrež měrja so na zničenje a doskónčne wuhnaće palestinskeje ludnosće, kotrež so 1948 z prěnjej Nakbu započa.
My, wobydlerjo Europy, žadamy sej připóznaće stata Palestina! Smy solidarni z Palestinjanami a židowskimi anticionistami po cyłym swěće, kotřiž so za měrliwe zhromadne žiwjenje ludow na zakładźe rezolucijow UN a rozsudow Mjezynarodneho sudnistwa (IGH) wupraja: Zběhnjenje blokady Gazy a wobsadki w Zapadnojordanskim kraju, Južnym Libanonje a Syriskej!
Smy solidarni z přistawnymi dźěłaćerjemi w Italskej, Španiskej a Šwedskej atd., kotřiž dodawanje brónjow blokuja, z dźesaćitysacami demonstrantami zašłych měsacow w Den Haagu, Berlinje, Romje atd., kotřiž znamjo sadźichu.
Namołwjamy dodawanje brónjow Israelej hnydom skónčić. Žadamy sej wusadźenje asociěrowanskeho zrěčenja mjez Israelom a EU, doniž njeje Israel rezolucije UN zwoprawdźił.
Žadamy sej znowazahajenje wšitkich płaćenjow Pomocnemu skutkej UN za čěkancow z Palestiny w Bliskim ranju (UNRWA), kaž tež hnydomne pušćenje wšitkich zastajencow resp. politiskich jatych na woběmaj bokomaj a prawo nawróta palestinskich ćěkancow do swojeho ródneho kraja!
My, wobydlerki a wobydlerjo Europy, wołamy tu spominajo na Nelsona Mandela, won do swěta: „Wěmy jenož přederje, zo je naša swoboda njedospołna bjez swobody Palestinjanow“!
Swoboda Palestinje!