Supplement Manifest 26 05/09 – Oppersorbisch
Wudospołnjenje Manifesta 2026 k Iranej
Jako wobydlerki a wobydlerjo Europy wuprajamy so dźensa, 9. meje 2026, tež k wojerskemu nadpadej Israela a USA spočatk měrca na Iran. Wón rani mjezynarodne prawo a so tuchwilu na dalše kraje na Bliskim wuchodźe rozšěri. Smy poraženi, z kajkej samowólnosću USA a Israel mjeztym wójny započnu: bjez přićiny a akutneho wohroženja – kaž je Pentagon sam přidał – a wosrjedź jednanjow! Mjezynarodne prawo so předewšěm wot toho kraja, kotryž so sławi, być “jenička demokratija na Bliskim wuchodźe”, z nohomaj tepta! Tomu bě a je hižo pola Gazy tak a nětko so tuta hrózba na cyły Bliski wuchod rozpřestrěwa.
Runje tak poraženi smy ludanja a njewopisajomneje dwójneje moralki zapadnych medijow dla, za kotruž po wšěm zdaću kóžda wot Israela abo USA skućena njeprawda nad kóždejžkuli kritiku steji, cyle jako bychu Israel a USA nad mjezynarodnym prawom stali.
Cyle wotewrjenje rěči zwjazkowy kancler Friedrich Merz wo tym, zo mjezynarodne prawo za Iran njepłaći. Eksilni Iranjenjo, kotřiž su zawěrno Savak-junta něhdyšeho šaha, so jako iranscy wojowarjo wo swobodu před kamery torhaja a dyrbiš wukrajne sćelaki sćěhować, zo by zhonił, zo dźe w Iranje jenož pozdatnje wo demokratiju abo prawa žonow, ale zo je Reza Pahlavi USA trilion dolarow poskićił, hdyž jeho jako mócnarja w Iranje zasadźa. Kak šamałe, zo so wo tym w Europje mjelči!
My, wobydlerki a wobydlerjo Europy, pohóršimy so nad nimale dospołnym ideologizowanjom wjetšiny zapadnych powěsćernjow, předewšěm w Němskej!
Jako wobydlerki a wobydlerjo Europy wupřestrěwamy wšitkim w Iranje, w arabiskim rumje a w Golfowej kónčinje , kotřiž so nětko přez wójnu morja, zranja abo na hinaše wašnje škodu poćerpja, ruku a přiwołamy wšitkim: Dźěłamy na hinašej Europje! Na Europje, kotraž so swojeje nadutosće wzda. Na Europje, kotraž wójnski zwjazk NATO přewinje a narodno-cionistiskim wulko-israelskim prócowanjam zadźěwa. Na Europje, kotraž je zaso hódna, zo spěwa so w njej europska hymna Beethovenoweje 9. sinfonije: Wšitcy ludźo budu bratřa …